UEA – Paĝo 2 – Libera Folio

Pli da membroj pagas malpli al UEA

de Libera Folio je 2025-06-242025-06-24

“Nu, bonŝance ni savis la asocion.” Tiu estas la konkludo de ĝenerala direktoro Martin Schäffer surbaze de la ekonomia rezulto de Universala Esperanto-Asocio dum la jaro 2024. La asocio laŭ li ŝparis amason da mono malpliigante la oficistaron – sed devis urĝe dungi du pliajn oficistojn por ricevi administran subvencion de EU. Unu el la dungitoj tuttempe okupiĝos pri havigo de subvencioj.

UEA vizias pri misio

de Libera Folio je 2025-06-032025-06-03

Post longa laborado aperis nova skizo de la strategia laborplano de UEA. La antaŭa plano ĉesis validi en 2017. De tiam daŭras la klopodoj kunmeti novan planon por klarigi, kion konkretan la asocio volas atingi dum la proksimaj jaroj. La teksto nun aperinta en la revuo Esperanto tamen resumeblas per malmultaj vortoj: ”Ni kunlaboru kaj esperu”.

Strategia Laborplano por konsidero

de Libera Folio je 2025-06-032025-06-03

Libera Folio publikigas la kompletan tekston ”Strategia Laborplano por konsidero”, aperintan en la junia numero de la revuo Esperanto.

Ĉu UEA silente entombigas la retejan projekton?

de Libera Folio je 2025-05-132025-05-13

Jam dum jaro UEA nenion faras pri sia grandioza projekto de nova administra sistemo kaj retejo, Akso. La prioritata projekto estis komencita en 2013 kaj estis elspezitaj pli ol 100 000 eŭroj, sed nun ĉio kuŝas forgesita. Tamen baldaŭ oni trovos respondeculojn, promesas prezidanto Charters.

La estraro de UEA ne raportas

de Libera Folio je 2025-05-072025-05-07

La estraro de UEA dum jaroj komplete neglektas sian devon regule raporti al la komitato pri sia agado minimume ĉiun duan monaton. Laŭ la prezidanto tia raportado, spite la regularon, pro teknika evoluo ne plu estas bezonata, kaj la devigo pri raportado tial estos forigita el la regularo.

Ĉu UEA kunvenos konstitucie?

de Libera Folio je 2025-03-112025-03-12

Universala Esperanto-Asocio aranĝu “konstitucian kunvenon” por ĉion refari desube. Tian ideon prezentas la antaŭa estrarano de la asocio Orlando Raola, responde al la propono de Esperanto-USA pri statutŝanĝo. Duncan Charters opinias ke la ideo venas en konvena momento kaj kredas ke la plimulto de la membroj konsentas pri la bezono.

Usono volas pli da potenco en UEA

de Libera Folio je 2025-03-042025-03-04

La landa asocio de UEA en Usono proponas ŝanĝi la statuton de UEA tiel, ke jam ekde 251 membroj landaj asocioj havu ne unu, sed du komitatanojn. Nun la limo estas 1 000 membroj – cifero, kiun Esperanto-USA ne havas ŝancon atingi.

Forpasis Renato Corsetti

de Libera Folio je 2025-02-012025-02-01

En la aĝo de 83 jaroj forpasis Renato Corsetti, iama prezidanto de TEJO kaj UEA kaj honora prezidanto de ambaŭ asocioj. Corsetti ĝis sia forpaso restis la plej aktiva ano de la komitato de UEA. Li estis ankaŭ membro de la elekta komisiono de UEA, kiu preparas la elekton de la sekva estraro

REU pretas aktivi en okupita teritorio

de Libera Folio je 2024-12-172024-12-17

Rusia Esperantista Unio agnoskas la kontraŭleĝan anekson de ukraina teritorio kaj pretas aktivi tie, deklaras la prezidanto de REU. La temo reaktualiĝis pro rezolucio de UN pri Israelo. Osmo Buller petis reagon de la estraro de UEA pri la eventuala aktivado de la landaj asocioj de Israelo kaj Rusio en okupitaj teritorioj. UEA laŭkutime silentas.

UEA plu vivos per eŭropaj subvencioj

de Libera Folio je 2024-12-102024-12-10

Subvencio de Eŭropa Unio en 2025 kovru du trionojn el la salajroj de UEA. Tion antaŭvidas la ĵus aprobita buĝeto de la asocio. Por certigi la ricevon de la subvencio UEA refondis sian virinan komisionon kaj entreprenis aliajn paŝojn, kiujn eblos raporti al EU, prezidanto Duncan Charters rakontis dum la kunsido.

Jens Stengaard Larsen pri Nova sango bezonata por ŝanĝo en SAT: “Kiam la datumoj mankis en astronomio, oni inventis teleskopojn. Similajn progresojn oni spertis en fonetiko, la sona flanko de la…” jan 22, 15:32
Jens Stengaard Larsen pri Nova sango bezonata por ŝanĝo en SAT: “Ne temas pri tio ĉu tiu aŭ alia lingvo estas pli bona, sed ĉu tiu aŭ alia lingvistiko estas pli…” jan 22, 15:06
Francisco Javier Moleón pri Ionel Oneț: ”Esperanto savis al mi la vivon”: “Estus tamen bone scii, kiel precize enkorpiĝos tiu evidentaĵo. La UEA-silentemo nur kreas konfuzon, dubojn, suspektojn. Cetere, jam antaŭ kelkaj…” jan 22, 12:19
Filarete pri Ionel Oneț: ”Esperanto savis al mi la vivon”: “Pri la vivo de Ionel, oni povas legi ĉe Géo-récits, kun multaj fascinaj fotoj el lia privata kolekto…. : https://heurist.huma-num.fr/heurist/?db=Geo_Recits&website=92&lang=FR&pageid=1157&cartographie=4549” jan 21, 20:16
Jouko Lindstedt pri Ionel Oneț: ”Esperanto savis al mi la vivon”: “Ĉe https://katalogo.uea.org/ oni reklamas la “Vivo Nova” de Dante kun speciala rabato dum “la tuta januaro” – evidente iu intencas…” jan 21, 16:37