UEA – Libera Folio

Esperanto eniros lernejojn en Lubumbaŝo

de Libera Folio je 2026-02-03

Lubumbaŝo estas la dua urbo laŭ grandeco en Demokratia Respubliko Kongo kaj centro de la regiona mineja industrio. En tiu milionurbo UEA nun planas funkciigi lernejan projekton por profundigi sian kunlaboron kun Unesko. ”Esperanto estu ne nur instruata, sed ankaŭ uzata”, rakontas Espoir Ngoma Kasati, kiu kunordigos la projekton surloke.

La Almanako de UEA denove prokrastita

de Libera Folio je 2026-01-132026-01-13

En 2018 UEA decidis ne plu publikigi sian Jarlibron por ŝpari monon. De tiam oni promesadas, ke anstataŭ la Jarlibro ĉiun trian jaron aperos Almanako, kiun dezirantoj povos ricevi en presita formo kontraŭ pago. En pli frua versio de la Strategia plano ĝi eĉ estis menciita kiel grava prioritato, samkiel la reteja renovigo. Ĝia apero tamen daŭre prokrastiĝas, kaj ĝi krome malaperis el la strategia plano.

UEA ne sukcesis vendi sian domon

de Libera Folio je 2025-11-302025-11-30

La planata vendo de la Centra Oficejo de UEA ĝis nun ne efektiviĝis, ĉar la aĉetonto ne sukcesis pagi la garantiaĵon. UEA tamen esperas, ke la vendokontrakto povos esti subskribita post la jarŝanĝo. Plu mankas plano por la estonteco de la libroservo.

UEA respondis al afablaj demandoj

de Libera Folio je 2025-08-012025-08-02

La longe promesata Almanako estos lanĉita en la Virtuala Kongreso, oni eksciis en la UK jaŭde. Ĝin eblos aĉeti ankaŭ surpapere. UEA en la estonteco ne plu dependu nur de kotizoj kaj subvencioj de EU, laŭ planoj de la Estraro. Tial la asocio dungis oficiston kun respondeco trovi subvenciojn el aliaj mondopartoj kaj fontoj.

UEA sekretigas la elekton de kongresurboj

de Libera Folio je 2025-07-272025-07-28

Laŭ la kongresa regularo de UEA, la komitato estu regule informata kaj konsultata pri la elekto de kongresurboj. Laŭ la nova prezidanto de UEA, Fernando Maia, tio tamen ne eblas, ĉar la kandidata urbo ne sciu, ĉu ĝi estas la sola kandidato. Tial la regularo laŭ li devas esti ŝanĝita.

UEA havas novan estraron

de Libera Folio je 2025-07-262025-07-27

Fernando Maia estas la nova prezidanto de UEA. La komitato de la asocio dum sia unua kunsido en Brno elektis novan estraron. La komitato sekvis la rekomendon de la elekta komisiono, krom ke anstataŭ Istvan Szabolcs post du voĉdonadoj estis elektita François Lo Jacomo. Amri Wandel ne ricevis sufiĉe da voĉoj por denove eniri la estraron.

Lo Jacomo kaj Wandel volas resti en la estraro

de Libera Folio je 2025-07-192025-07-19

Amri Wandel kaj François Lo Jacomo rekandidatis por la nova estraro de UEA, sed ne eniris la proponon de la elekta komisiono. Ambaŭ tamen en retmesaĝoj petis subtenon de la komitatanoj. La elekto do ne estos senalternativa, ĉar jam estas 11 aktivaj kandidatoj por maksimume 9 lokoj. Tamen preskaŭ certas, ke Fernando Maia iĝos la sekva prezidanto.

La nova estraro jam ne respondas

de Libera Folio je 2025-07-15

La nuna estraro de UEA estas la plej nerespondema dum la pli ol 20-jara historio de Libera Folio – nur en esceptaj okazoj ni ricevis ajnan reagon al niaj demandoj. La sekva estraro ankoraŭ ne estas elektita, sed la kandidatoj jam sekvas la saman praktikon. El la naŭ kandidatoj nur unu respondis al demandoj senditaj de Libera Folio.

Panikaj decidoj, nula informado

de Libera Folio je 2025-07-012025-06-30

La decido pri la venontjara Universala Kongreso estis farita lastmomente, sen ajna publika diskuto aŭ eĉ anticipa informado al la komitato de UEA. Neniam antaŭe du sinsekvaj kongresoj okazis geografie tiel proksime unu al la alia, kaj neniam post Hamburgo 1974 oni tiel malfrue anoncis la kongresurbon.

La UK en 2026 okazos en Aŭstrio

de Libera Folio je 2025-06-292025-06-29

Dum longa tempo oni atendis informon pri la loko de la venontjara Universala Kongreso. Kutime la kongresurbo estas konata du jarojn anticipe, sed la decido pri la venontjara kongreso venis tre malfrue. La 29-an de junio UEA fine informis, ke la UK en 2026 okazos en Graz en Aŭstrio. Ni publikigas la tekston de la gazetara komuniko senŝanĝe.

Johannes Genberg pri Esperanto en la dosieroj de Epstein: “Estas same pri miaj du filoj (sveda-japana).” feb 11, 13:00
Jouko Lindstedt pri Esperanto en la dosieroj de Epstein: “Jes, la angla ne estas tiom parolata ĉie, kiel oni ofte supozas. Aliflanke, se Esperanto estus tiom uzata tutmonde kiel…” feb 11, 12:08
Jouko Lindstedt pri Esperanto en la dosieroj de Epstein: “Mia 10-jara nepo estas denaske dulingva, germana-finna. Ĉar li loĝas en Germanio, la germana estas la pli forta lingvo, sed…” feb 11, 11:38
Jouko Lindstedt pri Esperanto en la dosieroj de Epstein: ““Iom imprese kaj preskaŭ ŝoke, ke Esperanto ekzistas dum pli ol cent jaroj – kaj ankoraŭ lingvistiko ŝajne sukcesis atingi…” feb 11, 11:34
Johannes Genberg pri Esperanto en la dosieroj de Epstein: “Mi menciu, ke mia filego, kiu estas preskaŭ 11-jaraĝa kaj antaŭe diris ke li volas lerni Esperanton jam parolas la…” feb 11, 11:22