movado – Libera Folio

UEA ne sukcesis vendi sian domon

de Libera Folio je 2025-11-302025-11-30

La planata vendo de la Centra Oficejo de UEA ĝis nun ne efektiviĝis, ĉar la aĉetonto ne sukcesis pagi la garantiaĵon. UEA tamen esperas, ke la vendokontrakto povos esti subskribita post la jarŝanĝo. Plu mankas plano por la estonteco de la libroservo.

Forpasis Rob Moerbeek, vivanta institucio

de Libera Folio je 2025-11-302025-11-30

Rob Moerbeek eklaboris en la Centra Oficejo de UEA en Roterdamo en 1969. Ĉiuj, kiuj iam vizitis la oficejon, certe konas kaj memoras lian senpretendan afablecon. Lia lasta labortago tie estis la 7-a de novembro 2025. Tri semajnojn poste li forpasis en la aĝo de 89 jaroj.

Scivola homo de bonkora toleremo

de Libera Folio je 2025-11-212025-11-23

La 13-an de novembro en la aĝo de 88 jaroj en Varsovio forpasis la elstara pola esperantisto Roman Dobrzyński, honora membro de UEA kaj PEA, ĵurnalisto kaj verkisto. En 1967 li edziĝis al la germana esperantisto Erika Rauschert. ”Nun, kiam ambaŭ ne plu vivas, ni kun admiro memoras du homojn, kiuj ligiĝinte per Esperanto donis modelon por la kunvivado”, skribas Ulrich Lins.

Plusoj kaj minusoj en la nova strategia plano

de Libera Folio je 2025-11-042025-11-04

La nova strategia plano de UEA estas facile superrigardebla kaj listigas kvin klarajn celojn por la proksima jaro. Tamen entute dek kvin “strategiaj” celoj por la sekvaj jaroj estas tro multe, des pli ke ne klaras, kio estas prioritata kaj kiu respondecas pri plenumo, opinias Tim Owen. Francisco Javier Moleón volus ke UEA konsideru, kial esperantistoj ne vidas kialon aliĝi al la asocio, dum Osmo Buller miras ke la prezidanto de UEA indikis sin mem kiel la aŭtoron de la plano.

Studprogramo de EU instruos pri Esperanto

de Libera Folio je 2025-10-282025-10-28

Konstruaĵo Tanneurs de la universitato de Tours

Esperanto kiel interfaka kampo por transnacia novigado estas la temo de nova universitata programo, okazonta kadre de Erasmus+. Ok universitatoj en ok landoj kunlaboras pri la programo.

”Esperanto estas por mi fenestro al la mondo”

de Libera Folio je 2025-10-212025-10-21

Strata vidaĵo en Afganio.

Por kio utilas Esperanto? Juna esperantisto en Kabulo, respondas: ”Mi esperas, ke Esperanto helpos al mi lerni pri aliaj kulturoj kaj komuniki kun homoj ekster mia lando. Ĝi donas al mi senton, ke mi ne estas tute izolita.” Sed dum li mesaĝadis kun Libera Folio, la retligo kun la ekstera mondo estis interrompita de la talibanoj.

Nova PIV estos pli ilustrita kaj unuavice reta

de Libera Folio je 2025-10-142025-10-15

La prova versio de la nova Plena Ilustrita Vortaro nun estas libere alirebla en la reto. Bertilo Wennergren okupiĝas pri la renovigo de la plej grava Esperanta vortaro preskaŭ plentempe ekde 2020. Ni petis lin rakonti, kiel la nova vortaro diferencas de la antaŭaj versioj, kaj kiam la prova versio iĝos definitiva.

Deklaro de ELI pri la milito en Gazao

de Libera Folio je 2025-10-08

Esperanto-Ligo en Israelo (ELI) diskonigis novan deklaron pri la milito en Gazao. Unuafoje deklaro de ELI pri la temo aperis en novembro 2023. Libera Folio publikigas la tekston.

”Libera Folio volas ŝoki, skui, ataki”

de Libera Folio je 2025-10-082025-10-10

Mireille Grosjean kune kun Zdravka Boytcheva sendis por publikigo siajn kritikajn vidpunktojn pri Libera Folio. Ni aperigas la tekston en formo de vidpunkta artikolo, kune kun mallonga komento de la redakcio.

Brajla skribo jubileas kaj evoluas

de Libera Folio je 2025-10-072025-10-07

En la jaro 2025 oni festas la 200-jariĝon de brajlo, skribsistemo inventita por blinduloj en 1825 de la tiam 16-jara franco Louis Braille. Versio de brajlo kun esperantaj literoj estis proponita de la sveda pioniro Harald Thilander ĉirkaŭ la jaro 1900, kaj ekde 1904 daŭre aperadas la brajla revuo Esperanta Ligilo. Otto Prytz en detala artikolo speciale verkita por Libera Folio rakontas pri la estiĝo kaj evoluo de la brajla skribo por diversaj lingvoj.

Jouko Lindstedt pri UEA ne sukcesis vendi sian domon: “Kroma aspekto estas, ke sen la libroservo ekzemple mi ne tenus mian monon en UEA-konto, kaj ekzemple la IKU-honorarioj kaj…” dec 3, 22:34
Osmo Buller pri UEA ne sukcesis vendi sian domon: “La libroservo de UEA ne estas simple butiko sed servo. Okazintaĵo antaŭ trideko da jaroj ilustras, ke decidante pri ĝia…” dec 2, 10:22
Tobiasz pri Forpasis Rob Moerbeek, vivanta institucio: “Rob estis vershajne la plej bonkora kaj samtempe plej modesta homo, kiun mi povas imagi.Chiam kun dorsosako plena da libroj…” dec 1, 15:08
jarek parzyszek pri Forpasis Rob Moerbeek, vivanta institucio: “Tristas mia kor’! Rob dum kelkaj semajnoj instruis min, ne nur kiel paki librojn, sed kiel trakti Homojn, precipe kun…” dec 1, 13:08
Przemysław Wierzbowski pri UEA ne sukcesis vendi sian domon: “La ideo vendi la domon la unuan de aprilo estas la plej amuza ŝerco de la jaro.” dec 1, 00:25