movado – Libera Folio

UEA perdas la esperon pri Nederlando

de Libera Folio je 2026-07-152026-07-16

Nederlandaj profesiaj revizoroj, kiuj devis kontroli la kontojn de UEA, ricevis pagon sed ne finfaras sian laboron. Notario ne respondas telefonon. “Mi perdas la esperon pri Nederlando”, resumis ĝenerala direktoro Martin Schäffer. Dume financaj kalkuloj de kvar kongresoj restas nefinitaj, eĉ sen la malhelpo de nederlandaj aŭtoritatoj.

Kiu volas esti la kasisto de krizanta TEJO?

de Libera Folio je 2026-07-092026-07-10

Meze de financa krizo TEJO elektos novan estraron. Tamen mankas propono por la plej grava posteno – tiu de kasisto. TEJO nun petas sinproponojn ĝis la fino de julio. Ĉu iu pretos akcepti la defian taskon savi la asocion el la deficita truo?

Forpasis Przemysław Wierzbowski

de Libera Folio je 2026-07-022026-07-02

Neatendite forpasis Przemysław Wierzbowski, la multjara prezidanto de Bjalistoka Esperanto-Societo. Li estis nur 39-jara.

Kontoj de UEA daŭre sen profesia kontrolo

de Libera Folio je 2026-07-012026-07-02

Daŭre mankas raporto de profesia revizoro pri la kontoj de UEA. La financaj rezultoj de pluraj kongresoj restas netraktitaj. La multjara kaj multekosta laboro por la reteja renovigo nun ŝajne estos tute forĵetita.

Intelektulo en neintelektula mondo

de Libera Folio je 2026-06-022026-06-02

Probal Dasgupta estis intelektulo en epoko kiu fariĝis ĉiam malpli favora al intelektuloj. Li estis homo por kiu pensi estis maniero vivi, kaj kiu kredis ke subtila ideo valoras la penon esti dirita malgraŭ tio ke malmultaj kapablos tuj sekvi ĝin. Tion skribas Marc van Oostendorp en nekrologo pri sia amiko.

Forpasis Probal Dasgupta

de Libera Folio je 2026-06-012026-06-02

En la aĝo de 72 jaroj en Kolkato, Barato, subite forpasis Probal Dasgupta, prezidanto de Akademio de Esperanto kaj prezidanto de Universala Esperanto-Asocio en la jaroj 2007–2013. Pri tio informis la familio en Facebook.

La Centra Oficejo denove ne vendita

de Libera Folio je 2026-05-262026-05-26

UEA denove malsukcesis vendi la domon en Roterdamo, kie ekde 1962 situas la Centra Oficejo de la asocio. La aĉetonto, kiu aperis en septembro 2025, nun denove malaperis.

La UK en 2028 okazos en Litovio

de Libera Folio je 2026-05-262026-05-26

La Universala Kongreso de Esperanto en la jaro 2028 okazos en Kaŭno, Litovio. Tion anoncis la estraro de UEA en gazetara komuniko.

UEA ne ricevis EU-subvencion

de Libera Folio je 2026-05-202026-05-20

Same kiel TEJO, ankaŭ UEA ĉi-jare ne ricevos la administran subvencion de la programo Erasmus+ de EU. Pri tio informis la estraro de UEA en la 19-a de majo. La buĝetita subvencio por 2026 estis 175 000 eŭroj, sumo kiu nun mankos en la buĝeto de UEA. Salajroj estos reduktitaj kaj dungitoj demisias.

REU plu aneksas Ukrainion

de Libera Folio je 2026-05-122026-05-12

La rusia landa asocio de UEA decidis krei regionan fakon en plia okupita teritorio de Ukrainio. Jam en 2016 REU en la praktiko agnoskis la kontraŭleĝan anekson de Krimeo, registrante Krimean Esperanto-Centron kiel sian regionan organizon. Nun ĝi kreas regionan fakon ankaŭ en la tiel nomata “Donecka Popola Respubliko”.

Tim Owen pri Forpasis Przemysław Wierzbowski: “Post demandoj de amikoj pri tio, kion eblas fari por helpi al Alina kaj la junaj ĝemeloj, Marta, la fratino…” jul 15, 18:05
duonfidela pri UEA perdas la esperon pri Nederlando: “Mi kredas, ke notarioj kaj revizoroj en Nederlando funkcias eĉ pli akurate ol ĝenerale en eŭropaj landoj. Schäffer rakontas fabelojn,…” jul 15, 12:55
piff pri UEA perdas la esperon pri Nederlando: “Ĉu en Nederlando la notarioj kaj revizoroj ne etsas kontrolitaj per profesiaj asociaj? En Britujo ekzemple malkontaj klientoj povas raporti…” jul 15, 10:23
Juha Metsäkallas pri Forpasis Przemysław Wierzbowski: “Miaj kondolencoj.” jul 13, 16:53
Jouko Lindstedt pri Kaj tamen pluas verkoj pintaj: “Oni aĉetas librojn ne nur pro la kovrilo kaj reklamado, sed ofte dank’ al la rekomendoj de konatoj kaj recenzistoj.…” jul 13, 07:56