movado – Libera Folio

La komitato de UEA aprobis statutŝanĝojn

de Libera Folio je 2026-03-092026-03-09

La komitato de UEA en sabata kunsido aprobis plurajn ĉefe teknikajn ŝanĝojn en la statuto de la asocio. Pliaj ŝanĝoproponoj estos pritraktitaj post du semajnoj. ”Tute mankis tempo por vere konsideri, proponi plibonigojn aŭ amendojn anticipe”, komentas Brandon Sowers, prezidanto de Esperanto USA.

Usono kaj Katalunio ne iĝos pli potencaj en UEA

de Libera Folio je 2026-02-172026-02-17

Jam antaŭ unu jaro la landa asocio de UEA en Usono proponis ŝanĝi la statuton tiel, ke grandaj landaj asocioj havu pli da reprezentantoj en la komitato de UEA. En novembro la prezidanto de Kataluna Esperanto-Asocio proponis forigon de la regulo, ke en unu regno estu nur unu landa asocio. Malmulta diskuto poste okazis pri la proponoj, kaj ili mankas en la tagordo de la eksterordinara kunveno de la komitato, okazonta la 7-an de marto.

Esperanto en la dosieroj de Epstein

de Libera Folio je 2026-02-102026-02-10

Noam Chomsky kaj Jeffrey Epstein en privata aviadilo. Foto: House Oversight Committee

La publikigo de granda kvanto da dokumentoj el la retpoŝto de la usona sekskrimulo Jeffrey Epstein kaŭzis skandalojn en pluraj landoj. Multaj gravaj politikistoj evidente sekrete havis proksimajn kontaktojn kun Epstein kaj eĉ vizitis lian nun fifaman insulon. Konataj esperantistoj ŝajne mankas en la ĝis nun publikigitaj dosieroj, sed Esperanto ja estas menciita.

Esperanto eniros lernejojn en Lubumbaŝo

de Libera Folio je 2026-02-03

Lubumbaŝo estas la dua urbo laŭ grandeco en Demokratia Respubliko Kongo kaj centro de la regiona mineja industrio. En tiu milionurbo UEA nun planas funkciigi lernejan projekton por profundigi sian kunlaboron kun Unesko. ”Esperanto estu ne nur instruata, sed ankaŭ uzata”, rakontas Espoir Ngoma Kasati, kiu kunordigos la projekton surloke.

Vendo de la domo de UEA denove prokrastita

de Libera Folio je 2026-01-292026-01-30

UEA ne sukcesis subskribi kontrakton pri la oficeja domo en Nieuwe Binnenweg, kiel oni pli frue esperis. La aĉetanto ŝanĝis sian opinion, kaj nun ne klaras, al kiu la domo eventuale estos vendita, se la vendo ja okazos.

La Almanako de UEA denove prokrastita

de Libera Folio je 2026-01-132026-01-13

En 2018 UEA decidis ne plu publikigi sian Jarlibron por ŝpari monon. De tiam oni promesadas, ke anstataŭ la Jarlibro ĉiun trian jaron aperos Almanako, kiun dezirantoj povos ricevi en presita formo kontraŭ pago. En pli frua versio de la Strategia plano ĝi eĉ estis menciita kiel grava prioritato, samkiel la reteja renovigo. Ĝia apero tamen daŭre prokrastiĝas, kaj ĝi krome malaperis el la strategia plano.

Esperantistoj en Ukrainio plu bezonas helpon

de Libera Folio je 2025-12-302025-12-30

Multaj esperantistoj en Ukrainio suferas pro la milito. Aparte severaj estas en la lastaj semajnoj la atakoj kontraŭ Ĥarkivo kaj Odeso, urboj kun longa movada tradicio. En Ĥarkivo manpleno da esperantistoj sukcesis kunveni por soleni la 115-an datrevenon de la unua loka Esperanto-asocio.

Retkrimuloj atakis Pasportan Servon

de Libera Folio je 2025-12-232025-12-23

Trompuloj kreis plurajn kontojn en la retejo de Pasporta Servo kaj dissendis fraŭdajn mesaĝojn en Esperanto por ricevi kreditkartajn informojn de la uzantoj. La teamo de Pasporta Servo haltigis la atakon la 12-an de decembro.

La UK en 2027 okazos en Aŭstralio

de Libera Folio je 2025-12-072025-12-08

Foto: Diliff

La Estraro de Universala Esperanto-Asocio decidis, ke la 112-a Universala Kongreso de Esperanto en 2027 okazos en Melburno, Aŭstralio.

UEA ne sukcesis vendi sian domon

de Libera Folio je 2025-11-302025-11-30

La planata vendo de la Centra Oficejo de UEA ĝis nun ne efektiviĝis, ĉar la aĉetonto ne sukcesis pagi la garantiaĵon. UEA tamen esperas, ke la vendokontrakto povos esti subskribita post la jarŝanĝo. Plu mankas plano por la estonteco de la libroservo.

Hans pri La komitato de UEA aprobis statutŝanĝojn: ““plibonigi ĝian funkciadon” “kreski pli forte per ĉi tiuj reformoj” Se nia espero por progreso baziĝas sur administraj reformoj, ni…” mar 14, 09:14
Budhomo pri La komitato de UEA aprobis statutŝanĝojn: “Gratulon al la komitato de UEA pro la aprobo de la statutŝanĝoj! Estas grava paŝo por adaptigi la asociojn al…” mar 14, 02:17
Francisco Javier Moleón pri La komitato de UEA aprobis statutŝanĝojn: “Se paroli pri direktoro de la CO, jen baza demando: ĉu ankoraŭ ekzistas Centra Oficejo? Mi pensis, ke la CO…” mar 11, 10:07
Osmo Buller pri La komitato de UEA aprobis statutŝanĝojn: “Tiu umado pri statutŝanĝoj mirigas min. Unue, ne necesas aldoni difinon por la kazo, ke forfalus la direktoro de la…” mar 10, 17:52
Alberto Cavarzin-Wójcik pri Usono kaj Katalunio ne iĝos pli potencaj en UEA: “Tute certe, Francisco! Tion mi tute ne dubas: inteligentaj maŝinoj lernas rapidege kaj scipovas Esperanton multege pli bone eĉ ol…” mar 4, 18:30