Libera Folio – Paĝo 67 – Libera Folio

Laborgrupo traktos la krizon inter UEA kaj TEJO

de Libera Folio je 2017-07-222017-07-23

La Universala Kongreso en Seulo kiel kutime komenciĝis per kunsido de la komitato de UEA. En la tagordon estis aldonita punkto pri la krizo inter UEA kaj TEJO, sed la komitato ne havis tempon pritrakti ĝin dum sabato.

Akra konflikto inter TEJO kaj UEA

de Libera Folio je 2017-07-182017-07-18

La divorco de TEJO kaj UEA eniras ŝtorman fazon. La ĝenerala direktoro de UEA malpermesis al TEJO-volontuloj paroli kun laborantoj de UEA, asertas la prezidanto de TEJO.

Komitatanoj ne ricevis financajn dokumentojn

de Libera Folio je 2017-07-182017-07-24

La komitatanoj de UEA ne ricevis la dokumentojn kiujn ili devus atente trastudi por povi fari seriozajn decidojn post nur kelkaj tagoj.

La Granda Kaldrono bolas spite malpermeson

de Libera Folio je 2017-07-112017-07-11

Dum multaj jaroj restis nehavebla unu el la ĉefverkoj de la Esperanta literaturo – La Granda Kaldrono de John Francis. Post granda laboro, kaj spite la rifuzon de Amazon akcepti libron en Esperanto por vendado, nun fine haveblas nova, elektronika eldono. Hju Rid (Hugh Reid) rakontas, kiel ĝi estiĝis.

Ĵurnala paĝo tute en Esperanto vekis hispanojn

de Libera Folio je 2017-07-042017-07-04

Kelkaj loĝantoj de la urbo Teruel certe frotis siajn okulojn sabate la 24-an de junio. Tuta paĝo en la loka ĵurnalo aperis nur en Esperanto. La sama ĵurnalo aperigis ampleksajn raportojn pri la 76-a Hispana Kongreso de Esperanto.

Alia universalismo

de Libera Folio je 2017-07-042017-07-04

Okaze de la 76-a Hispana Kongreso de Esperanto la hispana gazeto Diario de Teruel publikigis tutan paĝon en Esperanto, kun intervjuo de la poeto Miguel Fernández kaj opiniartikolo de José Antonio del Barrio, prezidanto de Hispana Esperanto-Federacio. Libera Folio republikigas la opiniartikolon kun la titolo “Alia universalismo”.

Finlernintoj de Duolingo duoble superas UEA-n

de Libera Folio je 2017-06-262017-06-29

Fine de majo la suma kvanto de la homoj, kiuj eklernis Esperanton ĉe la retejo Duolingo, superis milionon. Proksimume kvin procentoj el la eklernintoj finas la kurson. Tio signifas, ke la kvanto de finlernintoj nun almenaŭ duoble superas la membrokvanton de UEA.

Kial oni ne lernas Esperanton?

de Libera Folio je 2017-06-232017-06-23

La plej multaj homoj trovas Esperanton neinteresa. Ne indas trudadi la lingvon al tiuj, kiuj ne volas aŭdi pri ĝi. Prefere ol propagandi, indas mem lerni la lingvon bone kaj uzi ĝin en internaciaj kontaktoj, skribas Liu Xiaozhe.

Esperantistoj kampanjas por liberigi Bogatov

de Libera Folio je 2017-06-182017-06-19

Komence de aprilo en Moskvo estis arestita Dmitrij Bogatov, esperantisto, komputisto kaj matematikisto. Oni akuzas lin pri disvastigo de “alvokoj al terorismo”. La 19-an kaj 20-an de junio ankaŭ esperantistoj partoprenos kampanjon por lia liberigo.

”UEA dediĉu malpli da tempo al komoj”

de Libera Folio je 2017-06-132017-06-13

Duolingo kaj Amikumu estas multe pli signifaj por la evoluo de Esperantujo ol dekoj da paĝoj de filozofiumado en strategiaj laborplanoj, skribas Dennis Keefe. Li opinias, ke la sukcesoj de la projektoj povas utili por eĉ pli vaste diskonigi Esperanton al reta publiko.