Probal Dasgupta: Postprezidaj meditoj
“Iuj inter ni pensas, ke estraroj ĝenerale, kaj prezidantoj aparte, emas meti tre personan stampon sur la tegmentan asocion de la movado dum siaj mandatoj. Sed mia ĉefa konstato, post mia elveno el du sinsekvaj prezidmandatoj ĉe UEA, estas, ke de estraro al estraro la laboroj fakte estas profunde kontinuaj”, – per ĉi tiuj vortoj eksprezidanto de UEA Probal Dasgupta komencas sian unuan artikolon, verkitan post la eksprezidantiĝo. Lia artikolo “Postprezidaj meditoj” (ĉi tiun titolon antaŭ kvin monatoj uzis eksprezidanto de REU, Grigorij Arosev), aperinta en la novembra kajero de La Ondo de Esperanto kun tri ĉapitroj – La Asocio, La Komunumo, La Entrepreno Esperanto – estas legebla (kaj komentebla) ankaŭ en la novaĵretejo La Balta Ondo:
http://sezonoj.ru/2013/10/dasgupta/
La Ondo de Esperanto estas abonebla kontraŭ 42 eŭroj. Speciala tarifo por orienteŭropaj, ekssovetuniaj kaj triamondaj landoj). La elektronika versio kostas nur 12 eŭrojn.
http://esperanto.org/Ondo/Lo-abon.htm
Laŭ siaj pedanta gurueco kaj aparta idiolekto de Esperanto, per kiuj s-ro Dasgupta torturis la inteligenton de la UEA-anaro dum tro da jaroj, nun nia Esperanta pseŭdosanktulo komunikas siajn supozate profundajn "meditojn", kvazaŭ iu ajn interesiĝus pri liaj komplete neutilaj abstraktaĵoj.
S-ro Dasgupta asertas ke, laŭ li, "de estraro al estraro la laboroj fakte estas profunde kontinuaj". Damne! Espereble, Ganeŝo kiel devao de intelekto kaj saĝo helpos s-ron Fettes komplete apartiĝi disde nia baratano, kiu serioze kandidatiĝas al la pinto kiel la plej malbona UEA-prezidinto.