Perforto en Esperanto-strato
de Redakcio
—
Laste modifita:
2006-05-14 23:03
La polico en la urbo Malago (Málaga) en Hispanio arestis sesopon da homoj, kiuj estas suspektataj pri perforta prirabo de pensiula geedza paro en ties hejmo en Málaga en aprilo.
La krimo okazis en la strato Esperanto la 23-an de aprilo. La edzon la rabistoj unue ligis, poste ŝtopis lian buŝon, pikis per tranĉilo kaj batis. Al la edzino ili ligis la okulojn kaj poste minacis ke ili fortranĉos ŝiajn fingrojn.
La rabistoj sukcesis fuĝi kun valoraj ornamaĵoj kaj 250 eŭroj en kontanta mono. La ornamaĵoj nun estas retrovitaj.
Ho, vere interese, sed... kiel gxi rilatas al sama esperanto? En Bjalistoko, cxirkaux la monumento de Ludoviko oni ofte auxdas pri sxteloj, interbatigxoj ktp. - kaj neniu priskribas cxiujn ekzemple en gazetoj :)