movado – Paĝo 53 – Libera Folio

La membrokvanto de UEA falegis

de Libera Folio je 2016-12-162016-12-20

La gvidantaro de UEA strikte sekretumas pri la nuna membrokvanto de la asocio, sed Libera Folio sukcesis ricevi aktualajn informojn. Kompare kun la pasinta jaro la individua membraro malkreskis je 23 procentoj. TEJO havas malpli ol 300 individuajn membrojn.

Asociaj membroj ŝanĝis la statuton de UEA

de Libera Folio je 2016-12-162016-12-16

La statutŝanĝoj proponitaj de la estraro de UEA estis aprobitaj en la ĝenerala voĉdonado, kiu finiĝis la 15-an de decembro 2016. Tion anoncis la Centra Oficejo de UEA. Malpli ol triono el la individuaj membroj voĉdonis.

UEA denove serĉas novan redaktoron

de Libera Folio je 2016-12-152016-12-16

La malsukcesoj de UEA trovi kontentigan solvon pri la redaktado de la revuo Esperanto daŭras. En novembro 2015 forlasis sian postenon la antaŭa redaktoro Fabricio Valle, kaj post nur iom pli ol jaro la estraro anoncis la eksigon de lia posteulo Attila Kaszás.

Libera Folio en pli bela pakaĵo

de Libera Folio je 2016-12-152016-12-15

Ekde la zamenhofa tago 2016 Libera Folio ekloĝas en nova, pli fleksebla kaj pli facile ĝisdatigebla reteja sistemo. Ni kore dankas al nia ĝisnuna teknika respondeculo Jan Ulrich Hasecke, kiu prizorgis nian bultenon en sia servilo dum pli ol 12 jaroj.

TEJO kolektas donacojn por afrika IJK

de Libera Folio je 2016-12-032017-02-20

TEJO kolektas monon por realigi la planatan venontjaran afrikan IJK-n. La unuavica celo estas havigi la monon por la deviga propra kontribuo de TEJO por projekto financata de EU. Ni petis al Łukasz Żebrowski, la kunordiganton de la monkolekta kampanjo, rakonti pri la afero.

Novaj malklaraĵoj ĉirkaŭ la afrika IJK

de Libera Folio je 2016-12-012016-12-15

TEJO ricevis eŭropan subvencion de 130.000 eŭroj por projekto, kadre de kiu okazu IJK en Afriko. Kiel oficiala partnera organizaĵo en la projekto estis trompe anoncita Unuiĝo Togolanda por Esperanto. La gvidorganoj de UTE ne estis informitaj pri la “partnereco” kaj nun planas oficiale protesti ĉe EU-organoj.

UEA ekmalfermas voĉdonilojn

de Libera Folio je 2016-11-162016-12-15

La ĝenerala voĉdonado pri ŝanĝoj en la statuto de UEA daŭros ankoraŭ monaton, sed en la CO oni jam komencis malfermi voĉdonilojn. Laŭ Mark Fettes nova ĝenerala voĉdonado atendeblas baldaŭ.

Ne klaras kiu invitis IJK-n al Afriko

de Libera Folio je 2016-09-262016-12-15

Laŭ la TEJO-estrarano pri kongresoj, la venontjara IJK estis invitita al Togolando interalie de la landa sekcio de TEJO. Tamen laŭ Gbeglo Koffi, unu el la gvidantoj de Unuiĝo Togolanda por Esperanto, tia invito ne ekzistas.

Novaj detaloj pri persekuto de esperantistoj trovitaj

de Libera Folio je 2016-09-262016-12-28

En la ĵus aperinta nova eldono de “La danĝera lingvo” Ulrich Lins prilumas novajn detalojn pri la persekuto de Esperanto en diktaturoj. La registaroj de nedemokratiaj landoj ofte ligis kun Esperanto pli da potenco, ol ĝi efektive havis, li diras en intervjuo de Libera Folio. La libro ĉi-jare fine aperos ankaŭ en la angla.

Reinhard Selten: Ne nur por vidi la venkon

de Libera Folio je 2016-09-062016-12-15

La esperantista nobelpremiito Reinhard Selten forpasis la 23-an de aŭgusto 2016. Por honori lin ni republikigas intervjuon de 1994, en kiu li rakontas interalie pri apliko de ludoteorio en lingvolernado, pri decidoj bazitaj sur ”limigita racieco” kaj pri sia propra esperantistiĝo en 1947.

Ulrich Matthias pri Malagasoj bezonas Esperanton: “Dankon pro via interesiĝo pri subteno. Tio eblas pere de mi aŭ – se utilas al vi donackvitanco – pere…” maj 16, 14:04
Gary Mickle pri REU plu aneksas Ukrainion: “Verŝajne la plej multaj povas konsenti, ke la oficiala lingvopolitiko de Ukrainio estas suboptimuma. Ĝi estas kritikata de multaj en…” maj 15, 08:29
Edmundo pri REU plu aneksas Ukrainion: “”Ukainio subskribis kaj ratifis la Eŭropan Ĉarton pri” Tio estas kompreneble tre bona, sed ŝajne ne rilatas al la rusa.…” maj 14, 17:24
Tjeri pri REU plu aneksas Ukrainion: “Pri lingvaj rajtoj sciu, ke Ukainio subskribis kaj ratifis la Eŭropan Ĉarton pri la Regionaj kaj Minoritataj Lingvoj. Tion, nek…” maj 14, 17:00
Edmundo pri REU plu aneksas Ukrainion: “Ŝajnas al mi, ke vi malpravas pri tio. Mi pli fidas The Guardian, The Economist, Private Eye, … Ĉiuj gazetoj…” maj 14, 12:44