movado – Paĝo 52 – Libera Folio

TEJO ekamikas kun la Civito

de Libera Folio je 2016-12-262016-12-29

La estraro de TEJO, la sendependiĝanta junulara sekcio de UEA, decidis oficiale aŭspicii aranĝon de la Esperanta Civito. “UEA restas nia plej grava esperanta partnera organizo”, klarigas la prezidanto de TEJO.

UEA fidas ke subvencioj savos la buĝeton

de Libera Folio je 2016-12-202016-12-21

La buĝeto de UEA por la venonta jaro estis akceptita lastmomente per reta voĉdonado, kaj antaŭvidas deficiton de 9.450 eŭroj. La efektiva deficito verŝajne estos multe pli granda, ĉar la enspezoj supozeble estos klare malpli altaj ol oni antaŭvidas.

Zamenhof-urbo sen Zamenhof?

de Libera Folio je 2016-12-182016-12-20

La 12-an de decembro la urba konsilio de Bjalistoko post longa kaj stranga diskuto per unuvoĉa majoritato decidis, ke 2017 ne estos ”Jaro de Zamenhof” en la urbo. Pri la decido amplekse raportis ne nur polaj, sed ankaŭ alilandaj amaskomunikiloj. En sia artikolo Przemysław Wierzbowski rakontas pri la fono de la afero.

La membrokvanto de UEA falegis

de Libera Folio je 2016-12-162016-12-20

La gvidantaro de UEA strikte sekretumas pri la nuna membrokvanto de la asocio, sed Libera Folio sukcesis ricevi aktualajn informojn. Kompare kun la pasinta jaro la individua membraro malkreskis je 23 procentoj. TEJO havas malpli ol 300 individuajn membrojn.

Asociaj membroj ŝanĝis la statuton de UEA

de Libera Folio je 2016-12-162016-12-16

La statutŝanĝoj proponitaj de la estraro de UEA estis aprobitaj en la ĝenerala voĉdonado, kiu finiĝis la 15-an de decembro 2016. Tion anoncis la Centra Oficejo de UEA. Malpli ol triono el la individuaj membroj voĉdonis.

UEA denove serĉas novan redaktoron

de Libera Folio je 2016-12-152016-12-16

La malsukcesoj de UEA trovi kontentigan solvon pri la redaktado de la revuo Esperanto daŭras. En novembro 2015 forlasis sian postenon la antaŭa redaktoro Fabricio Valle, kaj post nur iom pli ol jaro la estraro anoncis la eksigon de lia posteulo Attila Kaszás.

Libera Folio en pli bela pakaĵo

de Libera Folio je 2016-12-152016-12-15

Ekde la zamenhofa tago 2016 Libera Folio ekloĝas en nova, pli fleksebla kaj pli facile ĝisdatigebla reteja sistemo. Ni kore dankas al nia ĝisnuna teknika respondeculo Jan Ulrich Hasecke, kiu prizorgis nian bultenon en sia servilo dum pli ol 12 jaroj.

TEJO kolektas donacojn por afrika IJK

de Libera Folio je 2016-12-032017-02-20

TEJO kolektas monon por realigi la planatan venontjaran afrikan IJK-n. La unuavica celo estas havigi la monon por la deviga propra kontribuo de TEJO por projekto financata de EU. Ni petis al Łukasz Żebrowski, la kunordiganton de la monkolekta kampanjo, rakonti pri la afero.

Novaj malklaraĵoj ĉirkaŭ la afrika IJK

de Libera Folio je 2016-12-012016-12-15

TEJO ricevis eŭropan subvencion de 130.000 eŭroj por projekto, kadre de kiu okazu IJK en Afriko. Kiel oficiala partnera organizaĵo en la projekto estis trompe anoncita Unuiĝo Togolanda por Esperanto. La gvidorganoj de UTE ne estis informitaj pri la “partnereco” kaj nun planas oficiale protesti ĉe EU-organoj.

UEA ekmalfermas voĉdonilojn

de Libera Folio je 2016-11-162016-12-15

La ĝenerala voĉdonado pri ŝanĝoj en la statuto de UEA daŭros ankoraŭ monaton, sed en la CO oni jam komencis malfermi voĉdonilojn. Laŭ Mark Fettes nova ĝenerala voĉdonado atendeblas baldaŭ.

István Ertl pri Esperanto en la dosieroj de Epstein: “jes, mi fakte pensis (sed ne vortumis tiel) ke mi celis “denaskula” ne en la Esperanta senco, sed lau la…” feb 15, 23:53
Jouko Lindstedt pri Esperanto en la dosieroj de Epstein: “Tre akravida analizo, István – mi eĉ kopiis ĝin por memori kaj mediti. Nur unu komenteto: la plej fluan nivelon…” feb 15, 21:22
István Ertl pri Esperanto en la dosieroj de Epstein: “Jes, Johannes tre bone priskribas problemon. Kun la paso de la tempo, Esperanto ighis pli kompleksa: tiel kompleksa kiel homa…” feb 15, 19:23
Jens Stengaard Larsen pri Esperanto en la dosieroj de Epstein: “Nu, Johannes, se al vi la Angla estas tiom facila, ja estas ne laste ĉar vi siatempe same arde provis…” feb 15, 18:20
Johannes Genberg pri Esperanto en la dosieroj de Epstein: “Tiun kritikon mi ofte aŭdas pri la angla, sed oni ja povas diri la precize saman pri Esperanto. Mi ne…” feb 15, 10:38