Libera Folio

2-a PRINTEMPE

Lu Wunsch-Rolshoven — 2010-02-03T07:40:00Z

"Venu ĝui la printempon!"

La asocio EsperantoLand ĉi-jare organizas la duan PRINTEMPE, internacian renkontiĝon dum pasko. Ĝi okazos denove en Dahlem-Baasem en la mezalta montaro Eifel, inter Kolonjo kaj Treviro (Trier) - ne tro for de Francio, Luksemburgio, Belgio kaj Nederlando.

En PRINTEMPE ĝuu internacian etoson!

Ni plezure invitas vin veni al PRINTEMPE. La plimulto de la partoprenantoj certe denove estos eksterlandanoj, kio promesas, ke ni denove povos ĝui internacian etoson en unu plia EsperantoLand-renkontiĝo. Ni provos oferti al vi interesan programon laŭ viaj deziroj.

Nova renkontiĝo dum pasko: PRINTEMPE

Lu Wunsch-Rolshoven — 2010-02-03T07:40:04Z

"Venu ĝui la printempon!"

La asocio EsperantoLand planas internacian renkontiĝon dum pasko sub la nomo PRINTEMPE. Ĝi okazos en Dahlem-Baasem en la mezalta montaro Eifel, inter Kolonjo kaj Treviro (Trier) - ne tro for de Francio, Luksemburgio, Belgio kaj Nederlando.

En PRINTEMPE ĝuu internacian etoson!

Ni plezure invitas vin veni al PRINTEMPE. La plimulto de la jam preskaŭ dudek interesitoj estas eksterlandanoj, kio promesas, ke ni denove povos ĝui internacian etoson en unu plia EsperantoLand-renkontiĝo. Ni provos oferti al vi interesan programon laŭ viaj deziroj.

KUN ESPERANTISTOJ TRA BELEGA ARMENIO

Edvige Ackermann — 2012-05-15T21:19:38Z

Varmajn salutojn karaj gesamideanoj! ATENTU! 1) Semajno (IES-2) 2012 en Armenio, ni ofertas ankaû malmultkostajn loĝlokojn en la privataj apartamentoj kun matenmanĝo kontraû 14 EUR, kiuj troviĝas en la centra partode la urbo, proksime de la kongresejo. vidu cxe: http://area.am/?Lng=1&ID;=12 Ni liveros al vi la bezonatan invitleteron, tamen civitanoj de multaj landoj povas akirienirvizon en la erevana flughaveno"Zvarthnoc" kontraû (preskaû ) 6 EUR por 21 tagoj. IES-2 okazos je la 27-a de junio ĝis la 3-a de julio en Ĉefurbo Erevan. IES-2 estos dediĉita al 125-a datreveno de Esperanto kaj al 500-a datreveno de la armena presitalibro en 2012. La temo: "La libro kiel rimedo de la kultura dialogo" . Ni esperas, ke aliĝos al IES-2 verkistoj, tradukistoj, ĵurnalistoj... Unesko proklamis Erevan kiel Internacia Ĉefurbo de libro en 2012 jaro kaj estos organizota multe da aranĝoj dediĉita al libro. 2) antaû kaj post IES-2 ekskursoj: vidu cxe: http://area.am/?Lng=1&ID;=5 Vizitu Armenion kaj amikiĝu kun gastamaj armenaj esperantistoj, http://area.am/?Lng=1&ID;=15 Susanna Baghdasaryan Prezidanto de AEU Partoprenos ankaux kelkaj euxropanoj..., kial vi, leganto, restu hejme? Venu kun ni! Edvige Ackermann

Reinhard Selten honorigita de Univesitato en Bjalistoko

Jarosław Marek Parzyszek — 2010-08-21T21:04:51Z

Lau ka decido de la Senato de Universitato en Bjalistoko la nobelpremiito Reinhard Selten farigxos nova honorkiala doktoro de Universitato en Bjalistoko. La neformala propono - iniciatita de la eksprezidanto de Fondumo Zamenhof - estis sendita al la Universitato antau la UK en Bjalistoko, sed pro la sciencaj kaj formalaj postuloj, la formala decido okazis nur cxisomere. Nun estas interkonsentata la dato de la formala solenajxo okaze de la honorkiala doktorigo de profesoro Selten, kiu jam pasintajare - okaze de la 94-a UK - vizitis Bjalistokon. Prof. Reinhard Selten naskigxis antau la Dua Mondmilito en Vroclavo (Breslau) kaj post la ricevo de la nobelpremio pri ekonomio en 1994 jam kelfoje estis honorkiale distingita de la polaj, germanaj kaj usonaj universitatoj. Prof. Selten estas la unua ekonomiisto distingita de la Univeristato en Bjalistoko, kiu de 1997 funkcias kiel memstara universitato (pli fru ekde 1968 gxi funkiciis kiel Filio de Varsovia Universitato). Profesoro de la bjalistoka universitato, ankau pri ekonomio, estas la urbestro de Bjalistoko - Tadeusz Truskolaski, kiu invitis kaj gastigis la pasintjaran Universalan Kongreson.

Le monde reklamas

yves jagu — 2009-12-15T13:58:14Z

Hodiaŭ, krom guglo franclingva, aperas tutpaĝa reklamo en la fame konata taggazeto "Le Monde". Ĝin pagis sinjoro Etsuo Miyoshi, prezidento de firmao swany.

9a - 12a Julio 2009: 45-a BET (Baltiaj Esperanto-Tagoj) en Paikuse / Pärnu, Estonio

Robert Bogenschneider — 2009-04-20T18:09:37Z

9a - 12a Julio 2009: 45-a BET (Baltiaj Esperanto-Tagoj) en Paikuse / Pärnu, Estonio

Kunvenejo de tiu tradicia kaj internacia aranĝo estas ejoj de la Polica Akademio. Inter alie okazas amuzaj vesperoj, Somera Universitato kaj amatorarta konkurso - kiu postulas aktivan kontribuon de partoprenantoj. La ĝenerala temo: kultura kaj lingva diverseco estas vasta kaj senfina studobjekto. Interese estus aŭskulti diversajn komprenojn.

Pliaj informoj ĉe: Tõnu HIRSIK / EAE, telefono: +372-6035272, retpoŝto: esperant@hot.ee
Aliĝilo: http://www.aliaflanko.de/kalendaro/BET45.rtf

NASK 2011: Sama Kurso en Nova Vesto!

Yevgeniya (Jxenja) Amis — 2011-02-11T23:50:10Z

La Nord-Amerika Somera Kursaro de Esperanto (NASK) ŝanĝas la formaton de la 42-a sesio en 2011! Anstataŭ la tri-semajna daŭro, NASK okazigos mallongan sesion de nur sep tagoj de intensa instruado dum la usona feria semajno de la 4-a de julio (2-10-a de julio 2011). Tiu ŝanĝo estas farita por allogi la lernantojn kiuj ne havas sufiĉe da feria tempo aŭ mono por pli longa sesio. La loko - la sunplena kampuso de la Universitato de Kalifornio, San Diego (UCSD) - restas la sama. Ĉiu inter la aĝoj 16 kaj 96 (aŭ eĉ pli) de ĉie en la mondo estas bonvenaj! Mallonga tempo kaj malmultekosta kursaro (kiu ne enkalkuliĝas kiel universitata studo) ebligas pli da libereco en la aranĝoj. Pro la lunda feria tago en Usono, la usonanoj devos foresti de la laborejo nur kvar tagojn (kvin por ne-usonanoj). Vi povas do alveni sabaton, la duan de julio, kaj foriri jam la dekan. Partoprenantoj loĝos kvarope en apartamentoj kun individuaj dormĉambroj, kun tri manĝoj tage, en la apartamentejo "Internacia Domo". La manĝejo kaj klasĉambroj situas apude. Oni povas profunde studi Esperanton kaj eĉ havi tempon partopreni la usonan feston de la Sendependec-Tago kun piroteknikaĵoj en la apuda urbeto La Jolla! Birke Dockhorn el Germanujo, Bertilo Wennergren el Svedujo kaj Lee Miller el Usono planas divers-nivelajn formalajn klasojn ĉiutage kun kromaj programeroj en la posttagmezo kaj vespero. Hoss Firooznia, help-instruisto, gvidos ekskursojn kaj prizorgos la eksterlecionajn eventojn. Grant Goodall, profesoro en la Universitato de Kalifornio en San Diego kaj direktoro de ties lingva fako, estros la kursaron. Estas jam la dua fojo por ĉi tiu teamo, kiu sukcese kuninstruis en 2008. Ĉi-jare estas rabatita prezo por ĉiuj, kiuj aliĝos antaŭ la 15-a de marto (865 USD), kaj estas aparta prezo por plentempaj studentoj kaj latin-amerikanoj (665 USD antaŭ la 15-a de marto), ĉio inkluzivita. Pli da detaloj kaj fotoj troviĝas ĉe: http://esperanto.org/nask; informoj pri prezoj kaj pag-manieroj: http://esperantic.org/eo/edukado/nask. Por informoj pri registriĝo, stipendioj ktp., kontaktu la administranton, Ellen Eddy: eddyellen@aol.com.

106a Skota Kongreso de Esperanto

Ed Robertson — 2011-04-01T13:37:27Z

Kuncelebru nian 106an (tio ne estas preseraro) Kongreson de Esperanto en agrabla etoso. Por regali al la ĉeestantoj en Esperanto, la kongres-programo enhavas divers-specajn erojn, seriozajn, leĝerajn, edukajn aŭ simple sociumecajn, kaj interalie informos kaj distros nin nia gastpreleganto Gražina Opulskienė el Litovio. En la apuda regiono estas multaj vizitindaĵoj, kaj ni faros ekskurson sabat-posttagmeze al la antaŭa hejmo de Thomas Carlyle, fama 19a-jarcenta historiisto, filozofo, literaturisto kaj saĝulo apud Ecclefechan, kaj al la vilaĝo Gretna Green tuj apud la landlimo kun Anglio, fama kiel geedziĝloko por forkurintaj paroj. En la dimanĉa posttagmeze okazos gvidata pieda rondiro de la urbo Lockerbie mem, kaj se eblas, vizito de la preĝejo konstruita de ukrainaj militkaptitoj apud la urbo. En la lundo estos tuttaga ekskurso por tiuj kiuj volas iomete plikonatiĝi kun la aliaj vizitindaĵoj de la regiono, aŭ eĉ unuj kun la aliaj.