KKE normale funkcias
IRo2012: Klifa plonĝado!
vidpunkto
Reklami kostas, ne reklami kostas pli
Universala Esperanto-Asocio certe ne uzu sian tutan kapitalon por aĉeti reklamspacon en eŭropaj gazetoj - sed certe eblus kaj indus intensigi informadon pri Esperanto, opinias Peter Weide. En artikolo verkita por Libera Folio li proponas ke esperantistoj denove ekportu insignojn, ke oni produktu bonkvalitajn vestojn kaj aĵetojn kun Esperanto-simboloj, sed ankaŭ ke oni reklamu ĉevalĉarojn kiel la perfektan solvon de la monda transportproblemo.
Klaku por senpage donaci al GEA mil eŭrojn
Kial mi voĉdonu por Germana Esperanto-Asocio, se mi ne estas germano, kaj nenion scias pri la agado de GEA? Por kio tio utilos? Kaj kial mi kontribuu al reklamkampanjo de banko? Tiajn reagojn ricevis Martin Schäffer, kiam li alvokis alilandajn esperantistojn partopreni en reta voĉdonado pri la mil plej popularaj asocioj de Germanio. Tamen indas partopreni, li argumentas - ne malplej pro tio, ke simplaj klakoj al la retpaĝo povus doni al la kaso de GEA la bonvenan aldonon de mil eŭroj.
Agado ekster UEA ne konkuras sed kompletigas
Dum prezentado de la agado de Esperantic Studies Foundation (ESF) en la Universala Kongreso de Esperanto en Kopenhago, iuj aktivuloj de UEA forte kritikis la agadon de ESF kaj aliaj similaj fondaĵoj, kiuj subvencias Esperantajn projektojn, sed estas ekster la strukturoj de Universala Esperanto-Asocio. Laŭ la kritikoj, tiaj organizaĵoj ekspluatas monfontojn, kiuj alikaze povus esti utilaj por la propraj fondaĵoj de UEA. Erin Piateski, aktivulo de du projektoj subtenataj de ESF, forte malkonsentas. En sia artikolo ŝi klarigas, kial ESF en grava maniero kompletigas la tradiciajn movadajn strukturojn.
Sobra takso de la Rusia movado ne plaĉis al aktivuloj
La valoro de Esperanto kiel internacia komunikilo malpliiĝis kaj la motivoj por lerni la lingvon malfortiĝis. Tiel statas la afero almenaŭ en Rusio, konstatis la prezidanto de Rusia Esperanto-Unio, Grigorij Arosev, en artikolo aperinta en La Ondo de Esperanto kaj en Rusia Esperanto-Gazeto. Tiuj novaj aktivuloj, kiuj foje aperas, preferas okupiĝi pri siaj propraj projektoj, kaj ne interesiĝas pri la agado de la landa asocio, li skribis. La sobra takso de la prezidanto malplaĉis al pluraj aktivuloj de la asocioj kaj kaŭzis akrajn disputojn en rusiaj retejoj. Libera Folio petis Grigorij Arosev klarigi, kion li volis diri per sia artikolo, ĉu liaj vidpunktoj validas ankaŭ por la movado en aliaj landoj, kaj kion li opinias pri la kritiko.
La malĝusta leciono
"Malgraŭ la evidenta kolapso de la tuta organzita Esperanto-movado, en ĉiu Esperanto-organizaĵo al kiu mi iam apartenis, estas fundamenta kaj profunda kontraŭado kaj malamo al iu ajn kiu proponas ŝanĝojn", konstatas nia aŭtoro Steven Brewer. Tial la sola maniero eviti la plendadon de aliaj estas fari nenion, leciono, kiun laŭ li tro multaj kapabluloj lernis. "La frenezuloj daŭre partoprenas - ĉar ili estas frenezaj kaj havas nenion pli bonan por fari", li asertas, kaj demandas sin, ĉu vere la Esperanto-movado montras al la ekstera mondo ekzemplon de paca interkompreniĝo.
Steven Brewer: UEA devas eliri el sia morta spiralo
Post la Universala Kongreso en Kopenhago, al Universala Esperanto-Asocio plu mankas aktualigita strategia laborplano. Dum la strategia forumo la diskuto pri la prioritatoj de la asocio okazis sur tre abstrakta nivelo. Same neniuj konkretaj decidoj pri la strategia plano estis faritaj de la komitato. Plu validas la plano akceptita antaŭ pli ol dek jaroj, kun la tri strategiaj prioritatoj "profesiiĝo, plijuniĝo, tutmondiĝo". Steven Brewer el Usono surloke sekvis la diskutojn en Kopenhago, kaj nun proponas por konsidero tri konkretajn paŝojn, kiuj laŭ li helpus al UEA eliri el la subeniranta spiralo: plividebligo de la organizaĵo, renovigo de la retejo, kaj travidebligo de ĉiuj decidoj.
Kolapso ne trafis Esperanton
Zamenhof-tago 2011 Diskut-programo apud UNO: Lingvoj kaj UNO
