novaĵoj
Manifestacio por Esperanto-strato en Kazan
Lokaj aktivuloj en Kazan en Rusio manifestaciis kontraŭ la abrupta decido forstreki la Esperanto-straton de la urba mapo.
Tri kandidatoj por la posteno de UEA-direktoro
Ĝis la limdato alvenis ses kandidatiĝoj por la posteno de ĝenerala direktoro de UEA. Tri el ili estis invititaj al intervjuo dum la UK en Lille.
Seulo gastigos la kongreson en 2017
La ĉefurbo de Korea Respubliko, Seulo, gastigos la 102-an Universalan Kongreson de Esperanto en la jaro 2017.
Hans Bakker forpasis
La 21-an de januaro forpasis en Amsterdamo, post elĉerpa malsano, Hans Bakker, Honora Membro de Universala Esperanto-Asocio. Li naskiĝis la 8-an de novembro 1937. Dum sia vivo li faris profesie multajn laborojn; laste, antaŭ sia emeritiĝo, li laboris ĉe la nederlanda partio Verda Maldekstro.
Kataluna amasfinancado sukcesis
La amasfinancada kampanjo por renovigi la Biblioteko-Arkivon Petro Nuez (BAPN) kiun lanĉis Kataluna Esperanto-Asocio (KEA) finiĝis plensukcese.
Kep Enderby forpasis
Universala Esperanto-Asocio funebras sian eksan prezidanton Kep Enderby, kiu forpasis la 8-an de januaro 2015 en la aĝo de 88 jaroj. Li naskiĝis la 25-an de junio 1926.
Lingvo.info proksimiĝas al lanĉo
Jam de iom da tempo Eŭropa Esperanto-Unio kun financa subteno de Eŭropa Unio okupiĝas pri multlingva informa retejo pri lingvoj. Laŭ gazetara komuniko dissendita okaze de la Eŭropa Tago de Lingvoj, la 26-a de septembro, la retejo estos finpretigita antaŭ la fino de la jaro. Jam nun eblas esplori unuan version. Libera Folio publikigas la gazetaran komunikon ĉi-sube.
Forpasis Evaldo Pauli
Prof. Evaldo Pauli, la plej elstara Esperanto-aganto en la kampo de filozofio dum la lastaj jardekoj, forpasis la 17-an de aŭgusto en Florianópolis, la ĉefurbo de la brazila ŝtato Sankta Katarino. Li naskiĝis la 24-an de februaro 1925.
Malmultaj aliĝis al la Bonaera UK
La ĉi-jara Universala Kongreso en Argentino ŝajnas iĝi la plej malgranda UK dum la tuta postmilita epoko. La kvanto de ĝisnunaj aliĝoj indikas, ke la suma nombro de kongresanoj ĉi-jare restos sub 800. La kongreso sekve estos finance deficita por UEA, rakontas la ĝenerala direktoro de UEA, Osmo Buller.
Fajro en domo de Zamenhof
En vendredo en Grodno, Belorusio, okazis incendio en duetaĝa historia konstruaĵo, en kiu dum kelkaj jaroj loĝis Ludoviko Zamenhof kun sia familio. La rekonstruata domo ŝajne ne serioze difektiĝis.