Esperantistaj spiritistoj kunvenis en Rio
de Fabiano Henrique
—
Laste modifita:
2007-12-16 14:30
Okazis en la 2-a de decembro la XIV Esperantista Spiritisma Renkontiĝo de Rio-de-Ĵanejro. Proksimume 70 personoj ĉeestis.
Spiritistoj organizis fratan e-renkontiĝon.
De la 9-a ĝis 17-a horo, Spiritisma Centro Amo al la Vero akceptis samideanojn el pluraj aĝoj kaj urboj. Oni estigis programerojn speciale dediĉitajn al la infanoj kaj al tiuj, kiuj disvastigas esperanton en la spiritisma medio. Dum la posttagmezo la radioparolisto Givanildo Costa gvidis la artan momenton. La kantistino Neide Barros Rêgo sin prezentis kaj plaĉis al la rigardantoj. Laŭ la organizintoj la aranĝo plene trafis la celon, nome kunigi la esperantistajn spiritistojn de Rio-de-Ĵanejro.
