Libro pritraktas la situacion de memmortigintoj en la spirita mondo
de Fabiano Henrique
—
Laste modifita:
2007-08-26 22:19
Eldonejo Lorenz lanĉis la libron "Memmortigo kaj ĝiaj konsekvencoj". Temas pri esperanta traduko de fama brazila spiritisma libro.
Gerson Simões Monteiro
Ĝin verkis Gerson Simões Monteiro, la prezidanto de Radio Rio de Janeiro. La libro prezentas raportojn de memmortigintoj, elprenitajn el verkoj de Allan Kardec, Chico Xavier kaj Yvonne Pereira, inter aliaj elstaraj spiritismaj aŭtoroj.
Laŭ la tradukisto, Givanildo Costa, tio “estas grava verko por debatoj kaj plonĝo en gravajn temojn de la spirita mondo, fronte al la realaĵo de la statistikoj, kiuj montras la kreskantan realigon de la memmortigo en la aktuala socio”.
"Memmortigo kaj ĝiaj konsekvencoj" enhavas 80 paĝojn kaj estas aĉetebla ĉe Eldonejo Lorenz, per la retpoŝta adreso editora_lorenz@uol.com.br.
