brilanto
9a - 12a Julio 2009: 45-a BET (Baltiaj Esperanto-Tagoj) en Paikuse / Pärnu, Estonio
9a - 12a Julio 2009: 45-a BET (Baltiaj Esperanto-Tagoj) en Paikuse / Pärnu, Estonio Kunvenejo de tiu tradicia kaj internacia aranĝo estas ejoj de la Polica Akademio. Inter alie okazas amuzaj vesperoj, Somera Universitato kaj amatorarta konkurso - kiu postulas aktivan kontribuon de partoprenantoj. La ĝenerala temo: kultura kaj lingva diverseco estas vasta kaj senfina studobjekto. Interese estus aŭskulti diversajn komprenojn. Pliaj informoj ĉe: Tõnu HIRSIK / EAE, telefono: +372-6035272, retpoŝto: esperant@hot.ee Aliĝilo: http://www.aliaflanko.de/kalendaro/BET45.rtf
Esperantoversio ĉe livemocha.com oficiala
Finfine la esperanta versio de lingvokurso en la retejo livemocha.com oficiale haveblas. En la retejo lerneblas pli ol 30 lingvoj, per deko da instruaj lingvoj - ambaŭ nombroj kreskos. Tiel okazas plia omaĝo al la iniciatinto de Esperanto, L. Zamenhof, en la jaro de ties 150a naskiĝtaga reveno. Partopreni en la komunumo de pli ol 4 milionoj da scivolemaj lernantoj el la tuta mondo kontribuas al la disvastigado, instruado kaj utiligo de nia lingvo - partoprenu kaj diskonigu la eblecon..
Fondiĝis germana Eine-Welt-Partei (partio Unu Mondo)
Hodiaŭ fondiĝis en Wiesbaden en harmonia, agrabla atmosfero la partio Eine-Welt-Partei. Inter la 8 fondintoj estis 7 esperantistoj kaj unu neesperantista mondfederisto (kiu fariĝis la unua vicprezidanto).
