3-a PRINTEMPE

"Venu ĝui la printempon!"

La asocio EsperantoLand organizas la trian PRINTEMPE, internacian renkontiĝon dum pasko. Ĝi okazos en la ejo "Marienburg" sur monto bele superrigardanta la riveron Mozelo (komunumo Zell/Mosel), meze inter Treviro (Trier) kaj Koblenz - denove ne tro for de Francio, Luksemburgio, Belgio kaj Nederlando.

En PRINTEMPE ĝuu internacian etoson!

Ni plezure invitas vin veni al PRINTEMPE. La plimulto de la partoprenantoj certe denove estos eksterlandanoj, kio promesas, ke ni denove povos ĝui internacian etoson en unu plia EsperantoLand-renkontiĝo. Intertempe aliĝis deko da homoj, duone el Belgio.

Prelegoj, babilado kaj ekskursoj

Ni planas oferti al vi interesan programon laŭ viaj deziroj. Jen unua skizo pri la programa oferto:

• Prelego pri Esperanto-literaturo aŭ gramatiko (Christian Declerck)

• Prelego/kurso pri fotado aŭ memorigteknikoj (Alfred Schubert)

• Prelego (Marcel Delforge)

• Kurso por komencantoj
• Konversacio/plia lingvokurso

• Interparolado kaj kafumado

• Kaŝado kaj (esperinde grandparta) retrovado de paskaj ovoj

• Promenoj al la kastelo Arras (3 km) kaj en la ĉirkaŭaĵo
• Eble: Vizito de orgena koncerto en la apuda urbeto Zell (lundo, 9-a de aprilo, 17-a horo)
• Eble: Vizito de la plezurbanejo en Zell
• Tre certe: Vizito de vinkelo

• Bad Bertrich (13 km) kun ebla vizito de ĝia varmfonta banejo
• Vulkanlagetoj ("Maare") (ekz. Immerather Maar (25 km), Pulvermaar (pliaj 4 km) kaj Holzmaar (pliaj 5 km)
• Pliaj ĉirkaŭaj urbetoj kaj vidindaĵoj, ekzemple Cochem (35 km; kun kastelo), Traben-Trarbach (14 km) kaj Bernkastel (25 km)
• Por interesitoj: Ekskurso al la radio-teleskopo Effelsberg (ĉ. 90 km, en merkredo)

Venu komune ĝui la printempon apud la rivero Mozelo!

Ĉu plaĉas al vi la ideo pasigi belan semajnon en la mozela regiono, ĝui la libertempon, babiladi laŭplaĉe kaj iom ĝui la belaĵojn de la regiono? Nu, rigardu nian retejon kaj ek al la aliĝo! Volonte ni respondos viajn eblajn demandojn.