Vi estas ĉi tie: Hejmo / Members / Александр Викторович Корженков / La Krimea problemo submetita al UEA

La Krimea problemo submetita al UEA

de Aleksander Korĵenkov — Laste modifita: 2015-07-30 18:42
La Krimea problemo submetita al UEA

La “Krimeaj decidoj” de la 28a Konferenco de REU kaŭzis ne nur la demarŝon de la redaktoro de REGo Georgij “Garik” Kokolija, sed ankaŭ oficialan reagon de la Ukrainia Esperanto-Asocio (UkrEA), kies prezidanto Eŭheno Kovtonjuk adresis sin al la Prezidanto de UEA Mark Fettes, Ĝenerala Sekretario de UEA kaj al la Komitato de UEA.

Legu pli en la novaĵretejo La Balta Ondo:
http://sezonoj.ru/2015/07/krimeo-2/

Dirk Bindmann
Dirk Bindmann diras:
2015-07-31 18:35
UEA ne havu opinion pri ŝtataj aferoj, kiuj ne rilatas al lingvoj. Same REU kaj UkrEA.
Sebastiano
Sebastiano diras:
2015-07-31 19:51
Ĉu vere ne? Eĉ GEA en sia Leitbild propagandas politikajn ideologiojn, ekz-e demokration, homajn rajtojn, socian participadon. En sia Leitbild ĝi nomas "religiajn konvinkojn" problemo. En sia Leitbild ĝi propagandas eŭropan unuiĝon. Ĝi propagandas en sia Leitbild federalismon kontraŭ centralismo kaj separatismo. Ktp. Ktp. senfine.
Dirk Bindmann
Dirk Bindmann diras:
2015-08-01 08:07
Same GEA ne havu opinion pri ŝtataj aferoj. Estas ne ĝia tasko propagandi demokration aŭ monarkion aŭ aristokration aŭ ion alian sistemon, se tio ne rilatas al Esperanto.

Kompreneble individuaj esperantistoj kaj neneŭtralaj Esperanto-organizoj povas diskuti kaj disputi, ĉu Krimeo apartenu al Ruslando aŭ Ukrainio, ĉu Malvinoj/Falklandoj apartenu al Argentino aŭ Britio, ĉu Kaŝmiro apartenu al Pakistano aŭ Barato ktp. ktp.
Cyril Brosch
Cyril Brosch diras:
2015-08-01 08:32
Se "neŭtraleco" signifu eĉ rezigni pri UNIVERSALAJ homaj rajtoj kaj demokratio, tiam mi - pr uzi Zamenhofan diraĵon - ne volas havi ion ajn komunan kun tia movado.
Dirk Bindmann
Dirk Bindmann diras:
2015-08-01 09:47
Ne eblas rezigni pri homaj rajtoj. Tiujn homoj havas sendepende de ies opinio.

Se vi ne eltenas, ke homoj en diversaj kulturoj favoras eble diversajn sistemojn de ŝtata organizo, vi havas ja konvinkan motivon por forlaso de la Esperanto-movado.
Sebastiano
Sebastiano diras:
2015-08-01 10:29
Dirk, mi dubas, ke (plu?) ekzistas neŭtrala laŭ via priskribo Esperanto-organizo. Neniu el la E-organizoj, kiujn mi konas (sed mi konas ja tamen nur malmultajn), nuntempe limigas sin al la lingva aspekto.