La Civito anoncas: Sankta Spirito ankoraŭ ne aliĝis
La aŭtoro de la prediko aludas, ke kvankam la Sankta Spirito ĝenerale estas neŭtrala en movadaj demandoj, ĝi sendube kontribuis al la estiĝo de la Esperanta Civito:
La Sankta Spirito ne estas ligita al iu ajn institucio: la Dia Spirito estas libera, aperas ĉie kie oni vidas homfraton en alia homo, kie oni vidas la dian fajreron en la proksimulo, en tiuj kiuj bezonas nian helpon. Tio signifas ke la Sankta Spirito laboras en la tuta mondo: kie naskiĝas iu bona ideo, kie naskiĝas iu helpemo, sinofero, tie la Sankta Spirito funkciis. Kaj por mi estas vere mirinda fenomeno ke ĝuste hieraŭ, tuj antaŭ Pentekosto, naskiĝis iu nova, mi ne scias ĉu mi rajtas jam diri, organizo, aŭ movado, aŭ komunumo de bonvolaj homoj: la Esperanta Civito.
La komuniko de la Civito ne komentas, ĉu dum la lastaj kvin jaroj okazis ŝanĝo en la organiza aparteno de la Sankta Spirito. Kredeble pri tia ŝanĝo okaze de neceso oni aparte anoncos en la retejo de la Civito.
Laux la biblia rakonto pri la unua pentekosto, sxajnas ke la Sankta Spirito ne favoras la uzadon de esperanto. Anstatauxe gxi (en la greka) aux li (en la latina) ebligis al la apostoloj paroli cxiujn lingvojn de la auxskultantoj. Iom simile al la lingvopolitiko de EU do - sed nur por prediki.
Gunnar Gällmo