Ekologia festivalo uzas himnon en Esperanto
La tuta himno estas aŭtomate aŭdigata, kiam oni vizitas la retejon de la festivalo www.festivaldelaterre.org. La teksto de la himno aperis en la forumo de Esperanto novosti.
La "Festivalo de la Tero" estis lanĉita pasintjare en Francio. Ĉi-jare ĝi okazis de la 19-a ĝis la 25-a de junio, kaj laŭ la organizantoj estis aktivaĵoj en preskaŭ tridek landoj en kvin kontinentoj.
La celo de la festivalo laŭ la organizintoj estis esprimi komunan solidarecon kaj respekton por la planedo Tero, igi homojn ŝanĝi sian konduton, serĉi alternativajn formojn de konsumado kaj instigi al utiligo de alternativaj energi-fontoj. En la ĉi-jara dua festivalo aparta atento estis donita al akvo.
En sia retejo la festival-organizintoj informas, ke la nova himno de la festivalo estas en Esperanto, kaj ke ĝi estas kreita de asocio kun la iom originala nomo Origin's. Laŭ informo en la sama paĝaro, kie troviĝas ankaŭ franca versio de la teksto, la aŭtoroj estas Angelo Armani kaj Dave Horrow. Tamen mankas ajnaj informoj pri aŭ en Esperanto.
Dankon al la forumanoj de Esperanto novosti, kiuj donacis la tekston... Alikaze mi povis ech unu vorton kompreni. Ontfoje, bonvolu korusumi pli bone!