Svedaj esperantistoj kontaktos EU-parlamentanojn
de Kalle Kniivilä
—
Laste modifita:
2004-06-22 22:35
Sveda Esperanto-Federacio decidis starigi laborgrupon por daŭra informado al la svedaj EU-parlamentanoj. En sia ĵusa kunsido la estraro de SEF ankaŭ decidis modernigi la retpaĝojn ĉe www.esperanto.se, kaj esplori, ĉu oni fermu la Esperanto-Centron en Stokholmo por ŝpari monon.
La estraro de SEF decidis starigi laborgrupon, kiu esploru la
taskojn kaj estontecon de Esperanto-Centro Stockholm. Surbaze de tiu
esploro la estraro decidos, fine de aŭgusto 2004, ĉu mallui la
ejon, aŭ plilongigi la lukontrakton. En tiu laborgrupo membros ankaŭ
Ulla Luin, kiu nun kandidatas por la posteno de ĝenerala sekretario de
UEA.
La estraro de Sveda Esperanto-Federacio decidis ankaŭ, ke la venontjara jarkongreso okazos en Haninge (sude de Stokholmo), la 15-an kaj 16-an de majo, dum la pentekosto. En 2006, kiam SEF kaj la Esperanto-klubo de Malmö ambaŭ iĝos 100-jaraj, la jubilea kongreso de SEF okazos en Malmö, kunlabore kun danaj esperantistoj.
La estraro de Sveda Esperanto-Federacio decidis ankaŭ, ke la venontjara jarkongreso okazos en Haninge (sude de Stokholmo), la 15-an kaj 16-an de majo, dum la pentekosto. En 2006, kiam SEF kaj la Esperanto-klubo de Malmö ambaŭ iĝos 100-jaraj, la jubilea kongreso de SEF okazos en Malmö, kunlabore kun danaj esperantistoj.
