Instituto Zamenhof gajnis sian unuan pokalon
Ludantoj kaj subtenantoj de la teamo de Instituto Zamenhof
La festivalo komenciĝis je duono post la oka horo kaj finiĝis ĉirkaŭ la 15a horo kaj 14 minutoj. La malferman matĉon ludis la lernantoj de Instituto Zamenhof (IZo) kun tiuj de la lernejo ''Semence''. Estas bedaŭre, ke vi ne propraokule spektis tiun ĉi matĉon por rimarki kiel la lernantoj de IZo agrable surprizis ĉiujn spektantojn kaj instruis lecionon de tĉukbalo al ĉiuj aliaj teamoj. Indas noti kiel pere de Esperanto, la lernantoj de IZo ĉiam okupas la unuajn rangojn.
Ok minutojn post la komenco de la matĉo, per krioj kaj Esperantaj kanzonoj, kiuj kuraĝigas la ludantojn, la lernantoj de IZo enpafis 15 golojn kontraŭ 0 por ‘’Semence’’. Preskaŭ ĉiuj spektantoj, eĉ la subtenantoj de la teamo ‘’Semence’’, ekkriis dirante : « kiaj brilaj kaj talentoplenaj lernantoj ». Dum la tuta festivalo, la lernantoj de IZo konfirmis, ke nuntempe ili estas la plej bonaj ludantoj ĉukbalmedie en la togolandaj lernejoj. Sen surprizo, la lernantoj de IZo en verdaj sportvestoj gajnis la unuan ĉukbalan pokalon por la viroj, organizitan de la Togolanda Ĉukbala Federacio. Bedaŭrinde IZo ne prezentis virinan teamon, kio helpis la virinan teamon de ''Semence'' gajni ankaŭ sian unuan ĉukbalan pokalon.
Jen la kompletaj rezultoj
Estas tute 9 teamoj ĉukbalaj, en kiuj estas ses knabaj kaj tri knabinaj
Grupo 1
IZo # SEMENCE 32 - 04
IMPACT # SEMENCE 26 - 27
IZo # IMPACT 33 - 10
Kun du sinsekvaj venkoj, IZo (INSTITUTO ZAMENHOF) kvalifikiĝis por la finalo.
Grupo 2
BETSALEEL # NDE 9 – 28
LEGAL # BETSALEEL 25 – 23
NDE # LEGAL 22 - 24
Same kiel IZo, LEGAL en la grupo 2 dufoje venkis kaj tiel ricevis sian bileton por la finalo.
La grupo 3 koncernis nur la tri teamojn de la lernantinoj. Jen la rezultoj :
IMPACT # BETSALEEL 24 -14
BETSALEEL # SEMENCE 15-17
SEMENCE # IMPACT 25 – 18.
Do la virina festivalo ĉukbala estas gajnita de SEMENCE, kiu venkis siajn du matĉojn.
La finalo vira okazis inter IZo kaj LEGAL. La fina rezulto montris 45 golojn por IZo kaj 31 golojn por LEGAL. IZo do fariĝas la unua reĝo ĉukbalmedie en Togolando.
Ĝis la venonta jaro por la dua festivalo.
Raportis
Koffi D.
