Romaneca etoso en la nova KD de Dirce Sales

La verko estis registrita en Rio-de-Ĵanejro kaj parto de la produktada kosto estis subtenita de admirantoj ŝiaj per antaŭpago. La disko enhavas dek kanzonojn, preskaŭ ĉiujn verkitajn de la kantistino mem kaj aranĝitajn de Cléber Matos. La ĉefa trako estas la romaneca Noktoj de l’ Boleroj. Elstaras ankaŭ la didaktika Sambo de la Koloroj kaj la titolo-trako. La KD 'Jen Mi' estas mendebla ĉe Kultura Kooperativo de Esperantistoj.