La redaktoro de LF estis senmaskigita
34a Kataluna Kongreso de Esperanto
Agoj pri dokumento
Pola parlamento volas doni Nobel-premion al UEA
La pola parlamento ĵaŭde la 12-an de junio unuanime per 397 voĉoj aprobis rezolucion, kiu omaĝas la centjariĝon de Universala Esperanto-Asocio kaj donas sian subtenon al la kandidateco de UEA por la Nobel-premio pri paco.
Laŭ la parlamento, temas pri omaĝo al la daŭrigantoj de la verko de Ludoviko Zamenhof, kiu "kreante la lingvon Esperanto deziris certigi al ĉiuj homoj la eblecon de reciproka kompreno kaj interkompreniĝo sendepende de la nacieco, raso, religio kaj propraj mondkonceptoj”.
La rezolucio ankaŭ konstatas, ke "Esperanto ligas homojn en riĉa kaj valora kulturo, kies fundamenta mesaĝo estas internacia amikeco kaj universala paco". Tial la pola parlamento opinias, ke UEA ricevu Nobelan pac-premion:
“La sejmo, dezirante omaĝi la kontribuon de d-ro Ludoviko Zamenhof al la monda civilizacia heredaĵo subtenas la klopodojn de internaciaj medioj, ke UEA estu honorita per la paca Nobel-premio”.- Tio signifas ke Esperanto reakiris honorindan pozicion en sia naskiĝlando post la ŝanceliĝoj antaŭ kelkaj jaroj, gratule komentis Renato Corsetti en la reta diskutejo de la komitato de UEA.
Ĉu la sejmo komprenas kio estas Nobelpremio?
Afiŝita de
Gunnar Gällmo
je
2008-06-21 17:00
Ĝi mencias la meritojn de Zamenhof kaj de esperanto, sed en la citaĵo nenio estas menciita pri la meritoj de UEA kiel organizo; tamen la premio, laŭ ĝia regularo, povas esti donata nur al persono aŭ organizo, kaj nur pro la meritoj de tiu persono aŭ organizo mem, ne pro io kiun ĝi reprezentas sed kio okazis ekster ĝia organiza kadro.
Ĉiukaze, temas pri la premio de 2010 (por tiu de 2009, estas jam tro malfrue nomumi); do, la sejmo havas tempon kompletigi ĝis la fino de januaro.
Ĉiukaze, temas pri la premio de 2010 (por tiu de 2009, estas jam tro malfrue nomumi); do, la sejmo havas tempon kompletigi ĝis la fino de januaro.
.
Afiŝita de
Peter Hauser
je
2008-08-04 23:52
Sendepende de la demando, ĉu la Sejmo faris eventuale formalajn erarojn kaj eĉ sendepende de tio, ĉu UEA povas entute esti premiita -
plej grava en la novaĵo estas la fakto, ke post longaj jaroj denove tuta parlamento esprimis sin pozitive al Esperanto. Bona novaĵo ankaŭ konsiderante, sub kiaj kondiĉoj antaŭ nelonge finiĝis jardeka periodo de radio-elsendaĵoj el Varsovio.
plej grava en la novaĵo estas la fakto, ke post longaj jaroj denove tuta parlamento esprimis sin pozitive al Esperanto. Bona novaĵo ankaŭ konsiderante, sub kiaj kondiĉoj antaŭ nelonge finiĝis jardeka periodo de radio-elsendaĵoj el Varsovio.
Malferma tago de UEA kun 110 vizitantoj
La informa blogo de ikso.net
POLA PARLAMENTO VOLAS DONI NOBEL-PREMION AL UEA
Do, ni laboru kune, kompreneble la landa asocio BRAZILA ESPERANTO-LIGO helpos ankau.
Salutas frate kaj amike, Wâner, UEA-delegito en Ubá.