Esperanto ne plu mortebla
6a Somera Mezeŭropa Renkontiĝo (SOMERE)
Agoj pri dokumento
Svisaj parlamentanoj proponas Nobel-premion al UEA
Du svisaj parlamentanoj proponas, ke Universala Esperanto-Asocio ricevu pacpremion de Nobel. Laŭ la reguloj de la premio, interalie parlamentanoj rajtas oficiale proponi kandidatojn al la norvega Nobel-komitato, kiu decidas pri la pacpremio. La parlamentanoj Gisèle Ory kaj Francine John-Calame jam sendis sian kandidatigon al Oslo.
En sia kandidatigo, instigita de Svisa Esperanto-Societo, la du parlamentanoj skribas interalie, ke "Esperanto ebligas kontaktojn demokratajn, ĉar la dialogantoj estas egalrajtaj pro tio ke Esperanto ne havas politikajn aŭ historiajn ligojn kun iu ŝtato".
Pri la agado de UEA, kiu laŭ la parlamentanoj meritas pacpremion, la parlamentanoj skribas interalie: "En Afganio Esperanto estas instruata en rifuĝejoj kiel Lingvo de la paco. Ĝi permesas agi sen malamikaj sentoj akiritaj pro historiaj kialoj. En la tendaroj de junuloj el Japanio kaj Koreo, Esperanto kreas novajn kontaktojn surbaze de egaleco. La Internacia Lingvo, instruata kune kun komputilaj konoj al reprezentantoj de indiĝenaj popoloj, ebligas al ili spertointerŝanĝon pri protektado kaj validigo de siaj rajtoj."
En la kandidatigo la du parlamentanoj krome mencias la rezoluciojn de Unesko favore al Esperanto, kaj la centjariĝon de UEA en 2008.
La 22-an de novembro Svisa Esperanto-Societo aranĝos gazetaran konferencon kun partopreno de la du parlamentanoj.
Ĉu Profesoro Selten povas helpi?
Ĉu emeritiĝinta universitata porfesoro rajtas proponi nobelkandidatojn, aŭ ĉu tion povas nur nune instruanta profesoro?
Se Selten, kiu mem estas nobelpremiito, rajtas proponi nobelkandidatojn, estus bonege ke iu, kiu bone konas lin, proponu al li tion fari.
Ĉu iu el vi konas lin?
Ĉu iu el vi povas proponi tion al li?
Amike salutas,
Anĉjo PacHorano.
Difino de Nobelpremiito
Cetere ne estas bone, kaj versxajne ecx ne permesite, agadi por Nobelpremio al organizo, en kiu oni mem estas membro.
Respondo al Gunnar
Jes, tre verŝajnas ke nepermesatas agado por premii organizon, kies oni estas ano...
Amike,
Anĉjo.
Digna kandidato
Mi ne scias, tamen, cxu gxi estas suficxe formale organizita por esti nomumita.
Oni povus nomumi ankaux U Gambira persone.
Sed mi ne havas nomumrajton.
listo de pac-nobel-premiitoj
Vidinte la liston, mi suspektas kelkajn interesojn en la nobelpremiitoj, laŭ mi, ne tro kredeblaj "paculoj" kuŝas en la listo.
listo de pac-nobel-premiitoj
Legita en "Le Temps"
http://www.letemps.ch/template/regions.asp?page=7&article=219947
Eĥo en gazetaro
http://tinyurl.com/2w9ydz
Hispanlingvaj medioj eĥas tion, iom fuŝe (ili konfuzas "esperanton" kun "UEA"):
http://tinyurl.com/2uzgre
http://tinyurl.com/39gdnb
Pere de Tonyo del Barrio.
Eĥo en gazetaro
http://tinyurl.com/2w9ydz
Hispanlingvaj medioj eĥas tion, iom fuŝe (ili konfuzas "esperanton" kun "UEA"):
http://tinyurl.com/2uzgre
http://tinyurl.com/39gdnb
Pere de Tonyo del Barrio.
Germana sekcio de EDE oficiale refondita
La retejo de UK 2008
franca deputito kaj eble franca Prof pri historio
Do, ek al la laboro por pliaj kandidatigoj !
Samcelane
Christian Lavarenne