La pedagoga universitato de Fremdaj Lingvoj estis selektita kiel la kongresejo por IJK. La universitato situas proksime de la internacia flughaveno. Estas tre konvena por kongresanoj atingi tien per rekta aŭtobuso el flughaveno dum 30 minutoj. La universitato posedas 2 grandajn konferencajn salonojn (400 kaj 700 seĝoj); kaj pli ol 30 malgrandajn salonojn (30-60 seĝoj). En la universitato troviĝas interreto-ĉambro, kaj aliaj bezonataj ĉambroj. Ĉirkaŭ la universitato troviĝas multaj bazaroj, superbazaroj, manĝejoj, drinkejoj kaj vendejoj de ĉiuj aĵoj kaj ankaŭ multaj grandaj kaj malgrandaj hoteloj.