Kompreneble,
34a Kataluna Kongreso de Esperanto
Agoj pri dokumento
Fondiĝis la Esperanta Respubliko!
De la 4-a ĝis la 7-a de aprilo, 2007, okaze de la Antaŭlasta Tutmonda Kongreso de la Ibera Skolo en Santandero, Iberujo, la Esperanta Malpopolo unuanime aprobis la fondon de la Esperanta Respubliko, por realigi la idealojn de niaj revoluciaj pioniroj. Kiel duan oficialan lingvon por rilatoj kun la normala mondo, oni kaprice elektis la eŭskan. La devizo de la Esperanta Respubliko estas: “Libereco, Egaleco kaj Akuzativon!” (eŭske: “Eguzkitarako Betaurrekoak!”). Rajtas fariĝi dumviva r-ano (respublikano) ĉiu ajn persono sen limigoj, kontraŭ pago de 130 eŭroj monate. Ni publikigas kelkajn fotojn por eternigi kaj ankri en la tempo tiel historian okazon.
 |
Miguel Fernández (Ministro pri Tujaj Buraskoj kaj Sonoraj Soloj) kaj Carmen Muñoz (Ministrino pri Transporto inter Madrido, Santandero kaj Katina Kaporalo). |
 |
Riitta Hämäläinen (Prezidentino de la Esperanta Respubliko kaj Ministrino pri Militaj Aferoj) kaj Jussi Liski (Boprezidento kaj Ministro pri Bemoloj kaj Betonigo). |
 |
Montserrat Martí (Ministrino pri Ratifado kaj Aliaj Likvoroj), Abel Montagut (Ministro pri Kanta Briĝo kaj Universe Famaj Arkeoj) kaj, fone, Miguel Gutiérrez (Ministro pri Sferoj Dek, Liven 10 kaj Aliaj Pseŭdonomoj). |
 |
Prezidentino Hämäläinen (fone), MKB Montagut, Antonio Valén ( Ministro pri Misvojoj, Neurĝaj Aferoj kaj Sakrado Hispanlingva, kaj Supera Veziro de la Esperanta Respubliko) kaj Jorge Camacho (Ministro pri Seksaj, Eklipsaj kaj Eksteraj Rilatoj kun la Esperanta Civito). |
 |
Hsiu-Chen Huang (Ministrino pri Buĝeto, Fisko, Financoj kaj Bakŝiŝoj) kaj Joxemari Sarasua (Ministro pri Jozefaj Potaĵoj kaj Sun-Okulvitroj). |
 |
Nuria Cano (Ministrino pri Transporto inter Bilbao, Santandero kaj Kikerlando). |
 |
Ŝtona gasto anstataŭanta la Ministron pri Saŭdado kaj Senkorpa Mistero Gonçalo Neves. |
 |
MLDAP Gutiérrez, MTBSS Fernández, Pedro Ullate (Ministro pri Amas- kaj Malamas-Loĝejoj) kaj MMNASHSV Valén voĉdonas en la Referendumo pri Blazono, Himno kaj Mon-Unuo de la Esperanta Respubliko. |
 |
Blazono de la Esperanta Respubliko, ratafiita de la Sekureca Konsilio: Koraka Bovino sur Ermena Kampo en Purpura Ŝildo. |
 |
Ordinara Kunsido de la Ĉambro de la Lordoj de la Esperanta Respubliko. |
 |
Eksterordinara Noktomeza Kunsido de la Plejsupera Tribunalo de la Esperanta Respubliko (sub prezido de estra r-ano). |
 |
Ĝenerala Asembleo de la Avangardo de la Revolucio. |
 |
Neleĝe perfida kunveno de la reakcia opozicio (alinome, “la bufoj”). |
 |
Mon-Unuo de la Esperanta Respubliko: (merluĉa) fiŝbulo. |
 |
13 fiŝbuloj = 1 kikera potaĵo |
 |
13 kikeraj potaĵoj = 1 glaseto da prunelbrando aŭ ratafio (13 glasetoj da prunelbrando aŭ ratafio = 1 kojono de Antikristo). |
 |
Fernández kaj Gutiérrez kantas, esperante, La Esperon. |
 |
Fernández kaj Gutiérrez kantas, eŭske, la himnon de la Esperanta Respubliko: “Eguzkitarako Betaurrekoak!” (“Vivu la Respubliko kaj la Revoluci’!”). |
Raportis: Jorge Camacho
Kaŝspionado?!
Afiŝita de
Sergeo Tyrin
je
2007-04-10 21:21
Ĉu vi rimarkis ke s-ro r-ano Joxemari Sarasua estas agento de la reakcia opozicio ene de la registaro?
sunokulvitroj
Afiŝita de
Ferriol Macip
je
2007-04-11 09:00
EGUZKITARAKO BETAURREKOAK!!!!! (baita akusatiboa ere!)
O tempora o mores!
For la civiton, vivu la respublikon!!!!!!!
O tempora o mores!
For la civiton, vivu la respublikon!!!!!!!
sun-okulvitroj
Afiŝita de
Jorge Camacho
je
2007-04-11 11:03
Kara Farri, Jes ja, mi neniam forgesos kiel siatempe vi rakontis pri sloganado de tiuj du vortoj en la euska dum politikaj manifestacioj en Katalunujo; ili sonis tiel bataleme, ke neniu povis imagi la sun-okulvitran signifon. Sed mi chiam forgesadis la ekzaktan formon de la vortoj. Bonshance chi-okaze ni povis kalkuli je la cheesto de lingvokompetenta membro de la Estra R-anaro, Lia Ministra Moshto Sarasua, kiu solvis chiajn lingvajn dubojn.
Eblas r-anighi che:
Afiŝita de
Jorge Camacho
je
2007-04-11 11:24
http://esperantarespubliko.blogspot.com/
La mondo estas scenejo
Afiŝita de
Cecilia Lind
je
2007-04-11 22:47
Diras Shakespeare:
" All the world's a stage,
And all the men and women merely players"
Alivorte: La mondo estas scenejo. Notu: ene de Esperantujo la fenomeno validas ankaŭ ekster la Civito. Se iu deziras, mi povas liveri tian rolliston.
" All the world's a stage,
And all the men and women merely players"
Alivorte: La mondo estas scenejo. Notu: ene de Esperantujo la fenomeno validas ankaŭ ekster la Civito. Se iu deziras, mi povas liveri tian rolliston.
Hm.
Afiŝita de
Robin Rönnlund
je
2007-04-12 09:31
Al mi, la respubliko ŝajne estas nur ebria stultaĵo... :-P
ebria stultaĵo
Afiŝita de
Ferriol Macip
je
2007-04-12 23:42
prava aserto, tamen, almenaŭ sendelira kaj ne danĝere frenezula. Mi ja ŝatintus esti tie!
Envio al ebrio
Afiŝita de
Manuel Pancorbo Castro
je
2007-04-13 16:10
Kiel diris Farri, vi pravas.
Tamen, mi forte suspektas ke ne necesas ebriigilo por frenezigi tiujn homojn... mi ŝategus esti tie!!!
Tamen, mi forte suspektas ke ne necesas ebriigilo por frenezigi tiujn homojn... mi ŝategus esti tie!!!
Gratulon
Afiŝita de
Antonio Valén
je
2007-04-17 12:43
Mi ne povis ne rid-eksplodi cxe la fotoraporto pri la Esperanta Respubliko, aparte pri la bovin-forma Blazono de la Respubliko :) Gratulon, Jorge! Cetere, mi gxoje rimarkas mian titol-akumuladon: Kia honoro! Ha, se cxio en Esperantuj' estus tiel malkomplika kaj senpretenda...
kani
Afiŝita de
jose salguero
je
2007-04-17 21:09
Cxio tio estas fusxajxo kaj ebriulajxo. Esperantujo neniam venkos gxis kiam oni starigos pli ambiciajn entreprenojn. Se tiu klopodajxo vere estus pli serioza afero ol aliaj pli fusxaj fusxajxoj antauxe diskonigitaj en nia malpopola mondo, oni estus devinta kuragxi fari verajn elpasxon: monarkio. Sen regxo tiu tiom vanta estraranaro (estra ranaro) nenion atingos. Kiel belega estus Esperanta Respubliko kun Regxo/ino, geprincoj, bogeprincoj, ktp. Kiuj kompreneble geedzigxus, gravedigxus, naskus, baptigxus, kreskigxus, gazetumigxus, ktp. Kaj oni lernigus al la plej seriozaj politiko-teoriistoj kion Esperanto povus alporti al la ekstera mondo kaj kion neniu gravulo antauxe ecx imagis: eblo konstrui Regxan Respublikon. Oni malprofitis okazajxon. Dume ni revenu al la realo: organizi lokan kurson.
1887 anoj de UEA uzas la retan Jarlibron
La informa blogo de ikso.net
Posteno vaka sed grava!